Í Elliðaárdalnum hefur verið komið fyrir fallegum og gagnlegum fræðsluskiltum fyrir áhugafólk um fugla og ýmsar menningarminjar sem í dalnum finnast. Nýjasta skiltið er sérstaklega fyrir áhugafólk um fugla og er eitt staðsett við efstu trébrúnna fyrir neðan stíflu. Bent er á bestu staði í dalnum til að skoða fugla og fleira fræðandi er varðar fuglalíf í dalnum. Þetta er verkefni sem var valið í íbúakosningum úr innsendum hugmyndum 2012 í betri hverfi sem Reykjavíkurborg stóð fyrir. Í þetta verkefni var veitt ein milljón króna og var það sett upp í febrúar 2013.
![Fuglar í dalnum](https://www.umhverfis.is/wp-content/uploads/IMG_0019-300x224.jpg)
Fjölbreytt fuglalíf í dalnum við efstu trébrúnna.
![Fuglar í dalnum](https://www.umhverfis.is/wp-content/uploads/IMG_0020-1024x764.jpg)
Sérstaklega flott upplýsingaskilti um fuglalífið í Elliðaárdalnum og áhugaverða staði til fuglaskoðunar.
Mörg fleiri skilti eru víðs vegar í dalnum, þau hafa þó mörg látið á sjá og spurning hvað sé best að gera til að koma í veg fyrir eyðileggingar af þessu tagi. Ljóst er að skiltin verða að vera þannig úr garði gerð að hægt sé að þrífa af þeim krot og fleira í þeim dúr, kannski er hagkvæmara að hafa glært plexigler yfir þeim sem er þá jafnvel ódýrara að skipta út ef ekki er hægt að þrífa óhreinindin burt.
![Fuglalíf](https://www.umhverfis.is/wp-content/uploads/IMG_0023-300x224.jpg)
Fuglalífið í dalnum er orðið illlæsilegt á þessu skilti.
![Gróðurfarið í dalnum](https://www.umhverfis.is/wp-content/uploads/IMG_0003-300x224.jpg)
Gróðurfarið í dalnum er einnig orðið illlæslegt.
![Ísaldarminjar](https://www.umhverfis.is/wp-content/uploads/IMG_0026-300x224.jpg)
Ísaldarminjar þarf einnig að þrífa upp ef hægt er.
Myndir úr einkasafni og sóttar á vef: http://www.flickr.com/photos/kristny/6277972254/in/photostream/ http://www.flickr.com/photos/kristny/6277846144/lightbox/ http://www.flickr.com/photos/kristny/6159561307/in/photostream/ http://www.flickr.com/photos/kristny/6160434736/in/photostream/ http://www.flickr.com/photos/kristny/6160432432/in/photostream/